Das Bankett. Seit nunmehr 30 Jahren verfasst Otti Schwarz erfolgreich humorige Gschichtln, Gedichte und Anekdoten - vorwiegend in österreichischer Mundart. Seine besten Werke präsentiert er ab sofort auch Woche für Woche auf NÖN.at.

Von Otti Schwarz. Erstellt am 06. März 2021 (07:00)
Otti Schwarz startet mit Humor in die stillste Zeit des Jahres...
Fotostudio Helmreich, 1010 Wien

DAS BANKETT                                     

I waß net, wos do gestern woar:
Des Festbankett? A echte Gfoahr!
I? Moch mi durt mitn Smoltok wichtig,
Wos bringen d´Ober laufend? Richtig:

Tabletts mit Glasln, voll mit Sekt!
Der hat mir leider sehr geschmeckt,
Nur: mit meiner Gastro-Alchimie
Vertrogt ein Schaumwein sich hoit nie!

Daunn, zwischndurch, hat man gereicht
Marillen-Schnapsln. Klar und leicht.
Gebrannt in einen Nonnenkloster
In Ungarn. Weit hint in der Pußta!

Den Barack homma einegfetzt,
Fost hätt mei Zungen sich zersetzt!
Ein griechischer Schpurt-Funtionär
Schtöt hamlich daunn an Flachmann her,

Mir san glei hintern Vurhaung g´schloffn
Und hom sein Uso durt ausgsoffn!
Ein Hamster-Züchter aus Florenz
Hod Grappa ausgschenkt daunn. Immens!

Sie wissn: Ecco! Favuloso!
Er tritt ma schenerös drei Glos o!
Drauf schenkt ein Franzmann aus Paris,
Der wos ein Fan auf Cognac is,

Zur Hälfte voi an Riesn-Schwenker
Mit an XO. Ois Mogn-Einrenker!
A spanischer Bordell-Besitzer
Hod daunn serviert so Scherry-Spritzer.

Von den homma, weus lustig woar,
Fachmännisch einezogn a poar!
Mir hättn hoit no wissen soin,
Daß den in Spanien viarehoin,

Nur, wenns Verschtopfung hom, a schwere.
Mir? Ahnungslos! Nau, habe d´Ehre!
Zu oi den mecht i heite sogn:
Mir woar so komisch drauf in Mogn!

Daunn hobi denkt: ein klaner Mocca,
Der hoit mi sicher fest am Hocker!
Nau, obe mit den Tirkn-Soft!
Glei hobi gschpiert: der hod a Kroft!

Und zwoar noch olle Seitn hi:
Des hobi gschpiert bis in der Frih,
Weu Schnapsl, Cognac, Uso, Grappa
Sind, so gemischt, scho z´vü fian Papa!

Dazu noch Mocca, Sekt und Sherry?
Ergibt nur ans: aufs Heisl gheari!
Waumma in aner laungen Nocht
Mehr Zeit am WC hod verbrocht,

Ois wos ma soit im Betterl sei:
Daunn woa s´Bankett a Pfuscherei!
Und außerdem hob i vergessn:
Wegn wos woarn mir durt einglodnt gwesn?