Die Himmelsbewerber

Seit nunmehr 30 Jahren verfasst Otti Schwarz erfolgreich humorige Gschichtln, Gedichte und Anekdoten - vorwiegend in österreichischer Mundart. Seine besten Werke präsentiert er ab sofort auch Woche für Woche auf NÖN.at.

Erstellt am 23. Oktober 2021 | 07:00
Otti Schwarz
Otti Schwarz
Foto: Fotostudio Helmreich, 1010 Wien

DIE HIMMELS-BEWERBER
 
Wias schon in Religionsheft steht:
So leicht kummt ma in Himme net!
Nach dem Zitat vom Nadelöhr:
„In Himme kummst jo meistens schwör!“
 
Weu jeder hod, tuats eich net windn,
Auf seinen Konto hübsch Sündn!
Wer hod sein Schuifreind net vernaddert?
Am Sunndog no net d´Zeitung gfladert?
 
Wer is denn no net schwoch gewoardn
Und mit der U-Bauhn schwoarz gefoahrn?
Wer hod kan Sex ghobt vor der Ehe?
Wer bis doher ois ohstreit: wehe!
 
Grundsätzlich gibts an stoarkes Griß
Um d´Freikoartn fürs Paradies!
Sie können glaubm mir, daß des stimmt!
Weu ...obm, noch der Ankunft nimmt
 
Der Petrus sich beim Himmelstor
Jeden Bewerber einzeln vor:
Grod kummt ein Sportler schnell daher
Der ruaft: „ Petrus! Ich hatt es schwer!
 
Ka Dienst-Villa, kan BMW,
Ka S-Klass und ka Prämie!
g´gruachlt hobi; nix verdient,
Woar nur bedacht, daß d´Maunnschoft gwinnt!“
 
„Es hat“ sogt Petrus „den Anschein
Du kannst kein Fußballer nicht sein!
Gaunz sicher kummst aus Österreich
Vom Ruderclub ´Zah aun und keich!´
 
Damitst dich bei uns woihfühlst daunn:
Kraigst...Woikn 5. Mit Steuermaunn!“
 
Jetzt schreit aner: „Petrus, ich waß,
Des mit die Woikn is a Kas!
Da fehlt System, da fehlt die Norm!
I siech, do brauch ma a Reform!“
 
Der Petrus kriagt den fadn Blick:
„Nau, daß du do bist! So ein Glick!
Besser, waunnst dir die Aunsproch spoarst,
Weu daß´d politisch tätig woarst,
 
Is kloar. Weust sinnlos quagln muaßt!
Damits´d dich wieder abkühln tuast,
Kriagst zugeteilt, daß es sich lohnt:
Die Wolke 12. Gewitterfront!“
 
Jetzt zupft den Petrus wer am Rock:
„Du, Petrus, ich hätt eine Frog!
Mich plogt schon d´längste Zeit a Surg:
Darf ich hinein? Ich woar Chirurg!“
 
Der Petrus draht sich um und mant:
„Bei uns bist sicher eingeplant!
Und auch für dich wird sich wos finden!
Nur: Lieferanteneingang: hinten!“